峰

大学班级QQ群里的一段话，刚看到的。我觉得太可笑了，所以我说这是一则笑话。大家认为呢？

懒散惯了，今日在两次关左闹钟后，最后比一个啰唆的电话彻底吵醒，才参加了今日的早会。才想起，已经起码有成个月无参加过了。会议系无聊了，于是就上来更新下。

前排七夕，所谓的中国情人节。虽然经考证，纯属胡扯，但系既然全社会都默认，甘它就成为事实。数下手指，家下一年就有3个“情人节”，2.14、正月十五，七月初七，霖都唔明，家下D情人唔觉烦的咩。唯独2.14我系唔知来历的，家下乜都可以炒，“节日”都可以，讲白了，2.14就系炒出来的，商人炒，后生仔炒，炒下炒下就热了。“情人”们，当你2.14出街“过节”的时候，有无上当的感觉呢？有无霖下自己点解甘憨居呢？

正月十五，元宵佳节，古时候满大街都张灯结彩，少男少女全都涌上街头，“闺女”们一年到头亦都只得呢日可以出街。

去年元夜时，花市灯如昼。
月上柳梢头，人约黄昏后。
今年元月时，月与灯依旧。
不见去年人，泪湿春衫袖。

可惜家下已经完全变味。少女们可以夜夜笙歌，唔洗等元宵；无人再去逛花灯，借口约“情人”去唱K饮酒就有。

七夕，七月初七，亦称乞巧节，相传织女是一个美丽聪明、心灵手巧的仙女，凡间的妇女便在这一天晚上向她乞求智慧和巧艺。再睇现在，仲有边个会去求心灵手巧。旧时广州人娶老婆，家婆要考核未来媳妇的手艺，最紧要就系识煲一煲老火靓汤。

越来越觉得自己老土了。

无时间，亦无乜心情写也。加首背景音乐，就当更新啦。

    今日开始装400台机，唔溜出去玩了，留系公司。其实都无乜也做的，于是乎随便写D也。

    前两日睇报纸，有篇报道，讲的是某大学有个偷单车的，捉住后被同学围殴。我睇唔起甘样的人，甘样的行为。亮剑里有这么一段：

    “这些来自社会底层的老百姓有个特点，就个体而言，似乎胆小如鼠。如果有人登高一呼，则 立刻应者如云，血脉贲张，勇气能呈几何级数地增长，关键是谁先做出头的椽子。人人都希 望别人去出头，自己随大溜。如对手过于强大，先出头的椽子被砍了，他们便作鸟兽散，当 初慷慨激昂的誓言，万夫不挡的勇气全不提了。反之，若是对手稍露软弱的征兆，他们便增 添了十倍的勇气，迸发出百倍的破坏力。此时的情景就验证了这条规律。当李云龙杀气腾腾，战士们枪上膛，刀出鞘时，人群便被吓 住了，站在前排的人悄悄往后面缩，后面的人则死死地守住防线使退缩的人找不到一点缝隙 ，谁也不愿先出头。当李云龙和战士们被一种复杂的情感所压倒，变得软弱时， 人群中的 怒火便开始升温，他们又躁动起来，人群向前慢慢地涌动，咒骂声四起，哭声也越来越高。”

    如果甘的事发生系石牌村，甘仲好理解D。但发生系大学，就有D唔妥了。大学生唔应该系“来自社会底层的老百姓”。但现实摆在眼前，如果某一个人睇见偷车贼，或者其他乜贼，他会暗自想“我时运高，乜都睇唔到”，但系当呢个贼被一群人制伏，他就会冲上去，义愤填鹰，打多两拳，踢多两脚。功劳又唔在你，你出乜风头遮。这是一个很严重的问题，学生的问题？学校的问题？

    开讲都话，枪打出头鸟。于是乎，人人都唔愿意出头。但系，假如跟系后面，人执西瓜，你执芝麻，又唔得。点办呢？继我话，应该系甘：头要出，但要知道，将会有枪要打你，于是乎，你必须修练，有十足的把握，唔可以比枪打到。

才发现有个几月无更新了。其实呢段时间并唔忙，但系又好忙。工作上的事并唔多，反正个个月有功课交。2K实在太夸张啦，做得1K都差唔多了，轻轻松松，反正比另外两个加埋仲要多，工资亦都几好了，有以前的DOUBLE。之所以又话忙，系因为业余活动比较多，督波，打牌，吃饭……我地部门绝对系全公司最烂的，“部门经理”上班时间都会组织上述活动，三个人连上落班卡都无，换句话讲即系无上落班时间，上班时间去左边做梗乜亦无人过问。而且“经理”绝对系一赌徒，打麻将可以打到饭都唔食直落7、8个钟。傻瓜麻将，10蚊20蚊，今日一鼓作气赢了5旧几，之前输的都嬴翻七七八八了。

其实我对一家的生活都几满意了。有一份轻松稳定的工作，收入亦算唔错，业余时间多，可以经常同班朋友玩耍。但系，最近有些少烦恼。旁人都认为我应当再接再厉，更多的投入到工作中去，更快的为将来的发展铺路，为赚更多的人民币而献身。而我自己，则更愿意选择循序渐进，继续轻松悠闲。其实这只是一个很简单的问题：着衫系要着得自己舒服，抑或系要着比人睇的。

呢个月的任务：2K！！！

按一张单200台算，要签10张单！平均每3日就要签一张！

一般来说每张单签落黎之前都要去3－5次，亦即系几乎每日都必须去唔止一个地方！

另外继续神经衰弱，对电话极其敏感，去厕所都要带住，铃声一响就即刻紧张地拿出黎。

原则上听日系休息的，之不过早两日签左两张单四百几台机要装。好好训一觉，训醒之后翻去指挥下啦。

原本以为五一会好得闲的，事实却恰恰相反。貌似系得1号无乜也做，除去5号6号出去玩，6日时间签左3张单，交左1张，听日再交一张。下个礼拜仲有两张单要签，呢个月起码有1.5K。家下唔止系卖显示器啊，全部都要装机的，做死人。

都无乜好写的。貌似就快散会了，唔写了。

最近又睇亮剑。一次电视，一次小说。

“面对强大的敌手，明知不敌也要毅然亮剑。即使倒下，也要成为一座山，一道岭。”

无法用言语表达，每一场战役，每一个情节，都会使我感动，使我震撼。

一定要去睇，特别系男人。

上个礼拜都在瞎忙。从上周日到本周日只系屋企食过1晚饭，4日加班，2日出去玩，1日成家人出去食。其实系话加班，不过其实并唔系好忙，只不过系落班了先有人有地方装机，其中有晚就系INTEL开会然后10点半食饭遮。

琴日见到过朋友，他话他岩去左食鸡泡鱼，仲问我有无兴趣下次叫埋我去。我话有毒嘎喔，死人嘎喔。他话人就系甘，就钟意去冒险，越系容易死人就越想试下它有几巴闭，一世人好快就过的拉，乜都唔敢试，做人有乜意思。讲实，我赞成呢个观点，做人系应该去冒下险，长见识。但系我有一原则，绝不把自己条命交去人地手上。我系生系死，就指意晒汤鱼果个，呢D甘傻HI的事我系绝对唔会做的。

最近有个朋友叫我帮手稳工，他做左三年几技术了，加下想转行做业务。开始我认为这并不难，后来打听一下先知，好多公司都唔钟意请甘样的人。加下d老细都好现实，梗系希望你一加入就创造价值，你原先做技术的，加下黎做技术就欢迎，重新培养你做业务就唔制了。庆幸自己当初无选择去做技术，并且机缘巧合地做左网吧。查实呢个位真系几舒服，首先网吧老细系认人的，所以好多公司都系老细亲自去做的，如果稳人做，都稳D亲戚或者真系非常信任的人了。因此我基本上无皇管的，想出去就出去，去边做乜从来无人过问，问都系多余。加下我剩系搞大广州了，基本上唔去出差。系交单的时候可能要加加班装机送货，其余时候都系非常自由，出去倾单实际上当去广州一日游，去到同客户吹下水，食下饭，跟住就翻屋企或者去玩了。

仲有一个最重要的好处就系识到好多厂家的大佬。厂家系大老板，食粥食饭都系睇它的。加下都有唔少人识得我啦，INTEL,AMD,华硕，技嘉，映泰，影驰，七彩虹，双敏，昂达，盈通，优派，AOC，长城，航嘉……数落都几多了。日后都系要睇呢班大佬关照嘎。

琴晚加班加到11点几。这公司的效率太低了，百几台机搞左3日都未搞掂。最谷气的系，大前晚加前晚装的50几台机，居然上错电源，要全部拆下来换过！果只甘的商务，仲声大夹恶甘赖人地业务无写清楚，我闹七她咯唔清楚甘你唔问清楚，业务要乜都唔清楚甘调乜七遮，你唔去调两粒原子弹翻黎。睇她系大肚婆唔系我真系想一巴星过去。

晚上依然系坐野鸡车翻屋企，落车的时候惊奇地发现有摩鸡，虽然价钱已由古时候的2蚊，呢两年的3蚊，变成5蚊，不过我依然要坐。事关行的话要半个钟有多，想打的的话亦可能同样要等上半个钟。

 

礼拜六本来应该系上班的，中午行左落楼准备食饭了，接到小鹏电话，叫唱K。喉咙好痛啊，唱K就无可能的了，去食自助餐就真，跟住下午又打牌，晚黑打麻雀。本来无霖住有甘多也搞的，中午袋都无拿就出左去，最后六点几钟专门跑翻公司拿翻只袋。

礼拜日亦唔打算出街的，因为要帮人买张显卡，又专门跑一趟。其实知道翻左去就要帮手装机的了，无霖到搞到十点几钟遮，仲要成9点先有饭食。

感冒仍然未好。

只是一个小小的感冒，喉咙痛，发左一晚烧，流鼻涕，搞左成个礼拜，今日仿佛仲想咳嗽。食左泰诺，阿莫西林，都无乜效果。我当然知到唔好食烟，但客户偏偏系个大烟斗，一支接住一支系甘烧。琴日仲去左一个客户度，网吧正在装修，大量灰尘同刺激性气味，直接导致今日想咳嗽。下午又要去稳大烟斗了，真系怕怕。睇来只有争取接落黎的呢个礼拜日，一日解决它！

喉咙痛得要死～完全没有心机～卡拉今晚不OK

事情可以追溯到前日。一大早起身，都发觉喉咙有D唔舒服的了，霖住晚黑落班去买只凉茶饮啦。上左天桥，间黄振龙居然变左华伦天努！琴日又挂住玩，无饮到。到今朝一起身，六七啦，几乎讲唔到也了，即刻落去买班痧啦，可惜已经为时已晚，到下午一D好转的迹象都无，于是又去买左合阿莫西林，但愿听日说得翻也啊，靠把嘴稳食嘎！

真系今日都唔知系米撞邪，由头黑到落脚趾尾。先系中午接到个政治任务，要花D时间同埋心思的。今日无出差，平时系办公室都系无咩做的，最多复制粘贴做下报价，拿起电话打去吹下水，闷到想训觉的。偏偏今日一堆人找上门，先系一个约左听日见面的客户招呼都无打声就甘冲左上来公司，然后又黎左两个街客，连AMD都黎凑热闹，最后多彩的人黎食左个闭门羹－－实在唔得闲同你倾了，再约啦。稍稍加班差唔多一个钟，政治任务无做好。

跟住行街，好日都唔行一次街，今日就比我中头彩－－踩狗屎。无乜好多讲的了。

准备翻屋企了，行去搭车，途中有些少内急，便去放水咯，出翻黎差唔多去到车站了，睇住部尾车开走，无厘头又要转多两趟车，。

好翻到屋企楼下了，两个靓女同埋保安企系防盗门门口，原来防盗门坏左，锁匙窿断左截锁匙系入面，都无咩好大惊小怪的了，锁匙窿经常塞，大不了按门铃叫老妈子开门啦。好，听到个集线箱嘀哒嘀哒甘响，即系按梗开门的了，把锁却无动静。我顶～～连门铃都坏埋，要老豆落黎开门。开左门了，系入面睇下把锁，明显系有人扯断晒D电线！我唔知点形容呢个人了，第一反应我就系拿出电话，然后，放翻低。

例牌落班行去石牌坐车翻屋企，或者系因为落雨，天河塞车，等左好耐都无车。就系呢个时候，黎左部昌河仔，问点去天河软件园。我话天河软件园有好几个园区的喔，你要去边个啊？他唔知，打电话问，结果就系科韵路果个，甘就教左他去啦，此为好事。然而，就系他打电话的时候，南岗车、261、黄埔线排住队过，又唔好意思就甘走左喔，结果只有目送呢几台车走啦，此为坏事。跟住，继续等车，隔离个女仔引起左我的注意。她比我先到的，我都等左足足20分钟了，乜也车都过了，她都无上车，甘系为乜呢？又过左5分钟吧，她忽然凑过黎，问我借手机。第一反应，呢条友系米骗手机的？问她乜事，她话等她大佬黎接，等左半个钟了都未黎。此时我认真打量下呢条友，只系一个柔弱女生，急得眼泪都就快流出黎了。点都唔忍心话唔得嘎，于是米比左部手机她。当然，此时我高度警惕。讲完了，她还翻手机比我。顺便我多提醒一句：广州好多坏人嘎，小心有人冒认话系你大佬，千其唔好信啊，保重啦。跟住就走左啦。

以下内容女生勿看。

    话说太平洋2期5楼的男厕设计非常有趣，只有“高人”先适合去。这里的“高人”，并唔系值业务水平技术水平等等的高，而系身高要高。个兜比市面上常见的高出不少。形象D黎讲，我身高173，都仅仅高出约5CM，亦即系话，168以下的（如果自认为脚特别长或许可放宽至165），建议就唔好去呢个厕所啦，如果你已经入左去，甘唯有掉转面去买大果树，如果你一定要挑战新高度，向上开火，我霖亦都无人会阻止你的……

也许系因为最近过得太死板了。或许你会问“新工作喔，无D新意咩？”我觉得真系无，一切都是那么条条框框。刚进公司系做渠道的，个位都未坐稳，呢个礼拜又被调回做网吧。就好似前排同宇讲的，我紧贴潮流，成个人都数字化了。7300GT，560Mhz/1400Mhz，128M/128b，￥500，300nits，500：1，17''，170°/160°，￥1160……我要卖的是什么东东，也许只有数字才能说清楚。一大串数字蹦出来，人地会觉得你呢个人很专业，值得信任。因此我亦做足功课，几十种配件详细参数倒背如流。然而，又有几多人真正理解呢D数字呢？假如我系消费者，我要买的系一堆数字么？

当然，这不是销售技巧的全部内容。但是，这是很重要的一部分，也是与卖衫裤鞋袜等的最大区别。

满腔热血投身社会，加入IT吃苦受累，摸爬滚打终日疲惫，市场信息必须到位，一日三餐时间不对，屁大点事反复开会，逢年过节值班应对，一时一刻不敢离位，各种报表让人崩溃，陪同客户回回喝醉，客户总嫌价格太贵，临管执法还要索贿，无暇顾家愧对长辈！

当然少不了的系文化公园的元宵灯会啦，可以说系历史最悠久，规模最大，人最多的元宵活动啦。上图

呢个先系文化公园中心台啊嘛，好耐无甘热闹咯

“狭路相逢勇者胜”，亮剑精神。

听老豆话，他细个果阵就经常去文化公园，春秋两个菊展，中秋及元宵灯展。门票白天4分钱，晚黑1毫子，为左省6分钱，中午饭食饱D，三四点行过去，晚黑节目丰富咯，电影、话剧、木偶、唱歌……睇完表演先翻屋企。

好啦，讲古时间。点解中国情人节会系正月十五元宵节呢？相传唐宋时期啊，女仔都系禁止出街的，一年到头不出闺房。系到元宵了，倾城出动，街上都热热闹闹的闹元宵，处处张灯结彩，放烟花，表演杂耍，人人都载歌载舞，赏花灯，猜灯谜。女仔就系呢个时候先可以出街游玩，后生仔女当然盼望呢一日啦。欧阳修的《生查子》元夕： “去年元夜时，花市灯如昼。 月上柳梢头，人约黄昏后。 今年元夜时，月与灯依旧。 不见去年人，泪湿春衫袖。”反映出当时想搞对象系多么困难啊，元宵系何等重要啊！传承落黎，就变左中国情人节啦。

真系唔明，点解要饮早茶，放假都一大早爬起身，饮完又无也做喔，训下懒觉米几舒服。夜茶就几好啦。

    大年初二乱食也，初三就见肚屙。以往都系放干净就无事，今次唔系。比老母逼去睇医生，探热37.5℃，仲话睇到我喉咙发炎，即刻就叫吊针。我顶，我喉咙真系一D事都无波，些少肠胃炎就吊针？唔吊！跟住开左支屎忽针，我以为系抗生素，点知个护士一针入来，我顶，好七痛啊，原来系退烧针。跟住拿药：
    1：先锋4。典型滥用抗生素，我对青霉素类都仲敏感，一出手就同我黎先锋，食左两粒唔七食了。
    2：退烧片。就果少少低烧，又打针又食药，多旧鱼，食左一粒又无食了。
    3：腹可安。洗Q你开啊，我够识买咯，搞得掂唔洗稳你啦。
    4：熊胆丸。呢个巴闭啊，“本品为迎风流泪类非处方药药品，用于风热或肝经湿热引起的目赤肿痛，羞明多泪”，我都唔知点讲。
    然后自己买药：
    1：黄连素。专治肠胃炎嘎，效果一流，副作用小。
    2：思密达。止屙效果强劲，即食即见效。
    就呢两种药，家下好好多咯。
    可怜的系，友同文先后出现和我类似的症状，我怀疑真系多多少少同我有D关系，事关近呢两餐我地一齐食，我都无用公筷！加下唔好怨我咯，都已成事实了，抓紧时间搞翻掂啦。仲有大家以后记得同病人共餐一定要他拿公筷啊！

    第一次玩呢个游戏。去到路口，两个人猜情寻，你嬴向左，我嬴向右。就甘样系西关转左一晚。先去宝华面店食鲜虾云吞面，再食左XX糖（唔识打）同埋飞机榄，然后到伍湛记食咸煎饼同及第粥，最后甜品系顺记的椰芒双拼雪糕同波罗冰。本来仲打算食咸水角，同埋爽鱼皮，不过实在太饱了，只好留翻下次。

    我中意一个人。一个人游车河，一个人逛街，一个人睇电影……有成十年了。可以在大清早，上落班高峰，也可以在夜晚，深夜。我喜欢僻静，在乌蝇都唔多只的地方；也喜欢热闹，像逛花街，甚至热闹过逛花街。做有意义的事，也做无聊事。反正有机会，我都中意一个人，无论何时何地做何事。
    一个人，想做乜就做乜，无需考虑伙伴感受；可以静下来思考，不受打搅；
    以前唔中意人多，因为觉得唔安全。譬如说，你在对十个人说话，就有那么两三个眼神有些迷离，好似心里有抵触，唔愿意服从，甚至在想如何破坏，如何乘机害你。我一个人做，手和脚绝对会配合得天衣无缝。
    其实家下好左好多了。

    讲都无人信，我甘样写检讨多过写作文的人，会写年终总结，而且已经写到整整第十年了。日记系懒得写了，但年度总结我觉得系必须的，而且要认真。回顾一年以来发生的大事，记录低过去一年一些重要的思考及领悟。偶尔拿出黎翻翻，成功经验继续发扬，失败教训时刻警惕，作用不小。今年第一次放上网，主要系希望伙伴们能分享我的思想，认为对的可以吸收，错的亦可提出批评意见。
    首先梗系工作了。年初仲系系133门市，但比起旧年已经有好大进步。第一，繁多的产品及渠道经已了如指掌，而且做左一些企事业单位及黑网吧等的细单，业务能力得到很大提高；第二，公司不断招新人，我主动担起带人的担子，多数人都信服我，打下群众基础，亦表现出自己的领导能力，为升迁作准备；第三，去年刚开业请的两个牛B的老手，或多或少在我的压力下先后离职。唔好误会我用D咩下三流的手段，只不过他唔想做唔愿做的我去做，他做唔好的我出色甘去完成，不可否认，好多事的确系有针对性，不过其实都系公平，光明正大摆明系要只抽，唔系你死，就系我亡，简单直接。在此之后，在门市的地位更加巩固，班同事都肯听我话，连当时的店长都唔会指我做事。
    4月，老细比左两个选择，一系做店长，二系做行业，她更希望我选择后者，我亦系作出同样选择。店长就坐系档口，指导业务员的工作，做帐，收钱（我颇为讨厌），其他公司业务员黎到了又应付下，拿D资源，就系甘。做行业，可以说系我一个人一个部门，乜也都系我做了，开发客户，倾单，稳厂家拿资源，送货装机，再加埋收钱（真系非常讨厌，十几W现系东莞带翻黎，仲要系晚黑，仲要唔系开车，烦到一只嘿甘）。话说回来，今年，我的年记又多左两个“最”：最年轻的上到呢个位（无一个人相信我20，真系一个都无，试过有人话我身份证系假的，话25都引来怀疑的目光，后尾干脆话奔3了，最过分一次系逼到我要话已经结左婚）；入行时间最短（实际上班8个月唔到）。记得以前有个叔辈教训过，出众的人，自然系要站出众人之外。详细就唔讲啦，反正从果时开始，做好多也，我都会参考众人的标准，而我要企出黎，创造一个又一个的“最”。翻翻以前的记录，我最中意就系睇呢D“最”。
    10月，离职。导火线系考试果单也啦，不过其实以前都积落牙齿印嘎拉，主要系反感个老板娘。无可否认，她系做得很好，但我未必就比唔上她。可惜她过分自信她果套，硬塞落我度，简直系搞克隆甘。我顶，最最最讨厌系甘了。应承左做乜，去做就系了，有指点我当然可以参考，但唔系一定要执行嘎，我做好翻黎就系啦。她就唔系甘霖的，成日话呢度唔岩果度无听她说，做几十K利润仲系唔满足，仲系要话按她的可以做得更好。叼，甘要我黎做乜遮，你去做米得咯。遇过两个女性上司，两个都比我炒。
    10月后，唔写系度了，亦唔好问了。历史遗留问题。家下处理完了，真真正正彻彻底底处理完了。
    生活上。反正份工资交左屋企水电煤气电话，再比D啊麻饮茶，都够自己洗的，一年落黎仲买到块驾照，计计埋埋洗左我成4k RMB啊。仲有就系学识督波，以前真系唔得嘎，四肢痉挛，啊今年罗起支Q的感觉就好唔同以前了。我霖原因系大个仔了，人定左好多，唔系以前总系火喇脚甘急甘燥，几十分钟弯低腰督盘波对我黎说唔简单的了。仲有重点系今年睇左一本好书：《于丹论语心得》。内容就唔系度讲啦，感兴趣的再问我。其他湿碎也之前有记录啦，到此为止，唔再写了。

之前因为某些原因，不方便暴露自己，所以停止了更新。家下问题已解决，可以重新开放了，立即贴篇文章。日后会更勤力更新的。

重阳登高。唔知几时开始，有左呢个习惯。先系蟹山，越秀山，跟住白云山，近几年系帽峰山。我都唔知点养成甘的习惯，好似系细个果阵老豆带去的，话新一年步步高升。我就唔抱多大期望咯，只系想行下山，锻炼下身体，呼吸D新鲜空气。

突然醒起唔知边个曾经同我行过白云山，两支公行左成晚，仲系登峰街食埋宵夜添。见到或者知道的留句话，我真系醒唔起。

上网见到大家姐，又提起摆花街。可能因为最近无聊，突然间又有D兴趣喔，只不过做也肯定抽唔出甘多时间。有无人策划下呢？做得几多做几多啦。

仲有，岩岩行出去睇下电视，无意转到CHANNAL V，即时联想到吊荣。沏茶，吹水，CHANNAL V，吊荣～几时翻来啊～

礼拜三朝早（其实都快10点了），训训下热醒左，起身开风扇，顶，唔转的？确认开左开关，插好电制，都系唔转。望下插系墙上的充电器，无着灯。顶，停电了。实在训唔到了，爬左起身。食完中午饭就出去倾左间公司。

下午翻到黎，到食饭时候，都系无电。干脆一家三口落大排档解决。8点未到解决左了，翻到屋企仲系无电。顶，决定落街。去边呢？正好有D也要拿去大学城，干脆踩部单车去大学城啦！既可以锻炼身体，又可以呼吸下新鲜空气。当然，带埋幅牌，无理由去到放低就走嘎。

打牌打到12点了吧，翻屋企。骑上部单车先醒起踩过黎果时已经无乜气，好难踩。霖住黎到学校打气的，点知坐低就开局，完全唔记得晒。12点了，单车铺都关晒门啦，衰！

非常艰难地踩到长洲码头，坐到屎忽都林晒。如我所料，果然无船了。搭艇仔，即系果D的士甘上下长的木艇，带个机头。刚好涨潮，水位高，岩岩又起风，浪大。真系非常巧合的刚刚遇上岩岩了。无计啦，都要翻屋企嘎，摇摇晃晃上左艇仔，在一路抛到鱼珠码头。好彩，最后都无游到水。

翻到屋企即刻累到坐低，再企起身发觉膝关节一阵酸痛。真系超额完成目标了。

首先插一句题外话。琴日上唔到呢度，吓左一跳。一直听说BLOGBUS唔稳定的问题，偶尔会上唔到甚至丢失数据。话说回来，呢度又的确系最快最简洁。勤力D备份咯，都无霖过搬。

进入话题。最近不断听到朋友安慰的声音，真系非常感谢，感谢一路以来的关心同照顾。我很好，辞职呢件事其实系我先提出来的，只系一直无批，拖左成两个月了。趁住仲后生，多D见下世面，多走几间公司，多试几个位置，我霖甘对我非常有益。

至于闹翻果段，我霖当时脾气作怪的成分较多。的确，应该系罗埋份粮先走。套用红极一时的刀朗的话：这是对冲动最大的惩罚。买呢个教训真系几贵，不过家下都无计啦，真系唔想搞太多事了，事关真系要斗，最后都无赢家的，只会两败俱伤。

听到好多批评的声音。我只想讲：非常感谢。衰左要认，打要企定。你地没重复一次，我记忆就会加深一次；闹得越恶，我越会记住教训系多么的深刻。

最后，同大家讲，我很好。稳工顺利进行着，只系我自己想睇定D，稳份真系适合自己，真系对自己好的工作。无遇到咩困难，放心。

成10日啦。基本上好少出街，偶尔落鱼珠街转下稳人饮支汽水食D宵夜，又或者顶班打下师奶麻将，出广州好似就两三日。多数时间真系系屋企休息，训觉，打下机（极品飞车、QQ游戏），睇左好多电影同埋记录片。

一直都中意睇记录片。翻学果时无装AD，无得DOWN，下下系电视度追就唔可能的。后来做也了，装左AD，却连DOWN都无时间了。呢时日睇左好多，中央台、凤凰台、DISCOVERY好多精彩节目。读下历史，关心下地球上的热点问题，听下专家级的解读。真系会学到好多好多也，建议伙伴们得闲多D睇呢类，比睇肥皂剧追明星强多了。

稳工作呢块进展虽然并不快，但总的来说还是做了工作收到效果的。联系过几家公司，应该说成功将自己SELL出去了，只系我开出的条件未能完全满足。再睇定D先。

原公司呢度，真系好鬼闷。该交低的交低晒了，上个礼拜仲有两个电话，问一D也，我都一一说清楚了。呢个礼拜电话都无接到一个了，翻过去一次老细又唔得闲，又唔讲他想点，我都唔知点讲他好了，甘七闷的。

    1号打电话黎叫我加班，我话唔制；4号凌晨2点几黎条短信，叫去133上班；8号八点几上班车上黎一个电话，叫做好交接工作。从头到尾无发言机会，只能听从安排。

    10号考路面，教练叫8、9练两日的。我都知请甘多假唔好，8号都无练，跟住8号晚打电话话要请假，我都未说明就鬼杀甘吵，话我国庆做乜唔帮手时间唔识安排乜七乜七一大堆，吹左超过5分钟，我扯火了，问“甘仲听唔听我讲也啊”，她答“有乜好讲”，好，无计倾了米系甘咯。我挂左电话。9号练紧车果时博命打电话黎，一接就听到大叫“刘宇峰，马上回来。”“唔得，练梗车，听日考试。”“无得倾，即刻无条件翻来，否则即刻作辞退处理。”“哦，好啊。”“什么？”“我话好啊，听日考完试翻黎办手续。”她可能估唔到我会甘爽快，无也说，挂左电话。

    今日下午翻到去，要填一大堆表，签N个名，反正好七麻烦。做左D，差唔多落班了，去拿工资。TMD财务话老细交低唔发工资，我即时稳人，唔系度，打电话过去，就系办公室度说“为什么不给我发工资？！”来回几句，她都知影响唔好，话翻紧黎了，翻黎先讲。翻到黎两公婆加埋我入左办公室。老细开口就话“搞什么吵吵嚷嚷的”，我亦好直接第一句就系我今日要拿工资。他讲埋一大堆公司规定公司制度，总之表达的意思就系唔拿得，留系度起码一个月，费事出咩蛊惑。我就真系越讲越火，呢D算乜七制度，“这是拖欠工资！犯法的！”我直接爆出黎了。然后又鸠鸠屎甘同我话他做左几耐几耐对法律法规有几甘了解，我仲无资格同他说法。我呢个时候真系好七火了，拍埋台大叫“你！唔签劳动合同！无买保险！上班时间远超一日8个钟一个礼拜44个钟！法定节假日加班而且无得到补休或相应报酬！要整你大把理由！”他仲唔服输，话他做左甘耐生意有乜乜关系，唔怕。我话“你太睇小我了吧，我地头蛇唔会怕你过江龙，我系度玩大的，我都有我的一张关系网。要玩也米玩咯，你在明我在暗，我可以整到你倾家荡产我自己又有咩输遮。”系办公室吵左超过半个钟，成个写字楼都听到，最后达成的共识，将所有要做的也清楚交低，就可以拿钱走人。

    今日真系搞到好唔开心。呢两公婆好多时真系好鬼刻薄，成日想虾人，郁唔郁就狂吠。今日遇到我，无甘过瘾了。该做的我会做好，有D应收系出面唔可以即刻收翻，我都同上下游安排好晒了，就系等比个人接手，等到约定的果个时间自然就能解决。好地地我比你乱屌？食蕉啦，吵米吵咯，我把声绝对唔会输。

    听说琴日显示器部广州区经理又系办公室大闹一场。连续两日甘吵，他应该都几惊讶吧。

手机随便影的

熟悉又陌生。

我同相入边的同志处境一样：

细个果时，成日吵住去文化公园。记得当时仲有“水上巴士”，鱼珠码头直达黄沙，好鬼过瘾。“中心台”三个字，系我印象最深刻，一见到就有种非常熟悉的感觉，应该算系文化公园的标志了。

以前无聊果时，仲会一个人揸住张车卡四围游车河，无目标，见车就上，想落车行路就落车行路。我好享受呢种一个人独自游走系呢个繁华大都市的感觉，睇住芸芸众生忙碌的脚步，自己就悠哉游哉。好耐无寻找呢份感觉了，因为我的脚步亦越来越快。